Inter “shokohet” nga Monza
Shqip
Inter duket se e ka humbur totalisht fokusin nga Kampionati italian i futbollit. Zikaltrit sonte kanë regjistruar ndeshjen e 5-të radhazi pa fitore në Serie A, kësaj radhe ndaj Monzas, në “Giuseppe Meazza”.
Djemtë e Inzaghit u mundën me rezultatin minimal 0-1. Goli i vetëm në ndeshje u shënua në minutën e 77-të, ku pas një krosimi në zonë nga Patrick Ciurria, mbrojtësi italian Luca Caldriola kërcen më lart se të tjerët dhe me një goditje me kokë mposht portierin Onana.
Kjo humbje i kushton jo pak “zikaltërve”, të cilët aktualisht ndodhen në vendin e 5-të në kampionat me 51 pikë, teksa rrezikojnë seriozisht kualifikimin e tyre për Champions League, në sezonin e ardhshëm. Ndërkaq, Monza mbetet në vendin e 12-të në kampionat me 38 pikë dhe praktikisht ka siguruar qëndrimin në Serie A edhe për sezonin e ardhshëm.
/Shqip.com
