Ekonomi

Importet e energjisë për muajt e dimrit do t’i kushtojnë Kosovës 316 milionë euro


Ministrja e Ekonomisë, Artane Rizvanolli, në konferencën e mbajtur gjatë ditës së sotme ka folur edhe për kostot e energjisë që do të importohet gjatë muajve të dimrit.

Lexo edhe:
Rizvanolli prezanton masat për subvencionim të energjisë: Do të përfitojnë rreth 10 mijë familje



Sipas saj, Kosova ka nevojë për 722 mijë megavat/orë për të kaluar dimrin. Nëse e llogarisim çmimin për 1 megavat/orë, që për momentin kushton rreth 500 euro, atëherë do të duhen 316 milionë euro për të përmbushur nevojat e muajve të dimrit.

Ministrja Rizvanolli ka thënë se shifrat janë marramendëse, si pasojë janë të paparashikueshme sepse varen shumë nga konsumi dhe çmimi i importit.

Viti 2022 ka qenë i vështirë për sektorin e energjisë sepse jo vetëm në Kosovë, por edhe gjithë Evropën është rritur shumë çmimi i energjisë elektrike.

Kjo ka krijuar një situatë të rë dhe që ka ndikuar që shumë shtete të krijojnë politika të veçanta rreth mënyrës së ngrohjes në muajt e dimrit./Shqip.com

/Shqip.com