I sulmuan babanë, djali 6 vjeçar ndërron jetë në mënyrë tragjike

Një krim i tmerrshëm tronditi Austrinë dhe Gjermaninë. Florian A. u sulmua brutalisht në rrugë mëngjesin e së dielës dhe ra pa ndjenja.

Menjëherë pas sulmit ndërroi jetë në mënyrë tragjike edhe djali i tij Leon 6 vjeçar.

E gjithë drama është zhvilluar në St. Johann, raporton mediumi Osthessen.

Çfarë ndodhi në Shën Johann të dielën më 28 gusht?

Në njoftimin zyrtar të policisë thuhet se 37-vjeçari ka qenë duke ecur me të birin 6-vjeçar me një karrocë rreth orës 04:00 në zonën e të ashtuquajturës shëtitore Redford.

“Aty ai dilte shpesh herët në mëngjes për shëtitje pasi djali i vogël vuante nga pagjumësia për shkak të sëmundjes, siç doli më vonë. Në zonën e bankinës kryesore të shkollës pranë Kitzbühler Ache, një autor i panjohur më parë duhej të ishte afruar nga prapa dhe ta godiste në mënyrë të fuqishme me një shishe burrin në pjesën e pasme të kokës.Për pasojë, ka gjasa që autori i ka marrë portofolin dhe celularin e burrit dhe është larguar në drejtim të panjohur”, thuhet në raportin Policor.

Po ashtu është bërë e ditur se, babai u gjet pa ndjenja nga një kalimtar i rastit rreth orës 5:20 të mëngjesit.

Pas përmisimit të gjendejes, Florian A. pyeti menjëherë për djalin e tij. Një operacion kërkimi në shkallë të gjerë filloi më pas me një rezultat tragjik.

Rreth orës 6:20 të mëngjesit, u dha një lajmi i tmerrshëm.

U bë e ditur se djali i vogël u gjet në Kitzbühler Ache dhe u gjet i vdekur, 600 metra nga vendi i krimit.

“Fëmija mund të ketë dalë vetë nga karroca dhe ka rënë pa dashje në lumë”, thuhet në njoftimin e policisë. Hetimet tani janë në vazhdim. Autopsia nuk gjeti gjurmë të dhunës së jashtme mbi djalin, shkaku i vdekjes ishte mbytja,” shpjegoi në BILD kolonel Katja Tersch, kryehetuese në LKA Tirol.

Florian A. është ende në spital pas sulmit. “Nuk kam asnjë informacion të ri për gjendjen e tij shëndetësore”, tha koloneli Manfred Dummer, kreu i marrëdhënieve me publikun në Inspektoriatin e Policisë së Shtetit në Tirol, të mërkurën i pyetur nga Osthessen.

Autori i krimit është ende në kërkim të policisë./Shqip.com