Haller do t’i nënshtrohet kimioterapisë, pas zbulimit të tumorit
Shqip
Borussia Dortmund ka lëshuar një përditësim për Sébastien Haller, pasi mjekët e klubit zbuluan një tumor testicular kur sulmuesi u ankua se nuk ndihej mirë në një kamp stërvitor.
Testet zbuluan se tumori ishte malinj pasi ai u operua me sukses, prandaj Haller do t’i nënshtrohet kimioterapisë.
“Sebastien tani do të marrë trajtimin më të mirë të mundshëm. Shanset për rikuperim janë shumë të mira. Ne i urojmë atij dhe familjes së tij shumë forcë dhe optimizëm dhe mendimet tona janë me të në këtë kohë të vështirë”, tha drejtori sportiv i Dortmundit, Sebastian Kehl.
Haller kämpft gegen bösartigen Tumor
Sebastien #Haller wird dem #BVB mehrere Monate lang fehlen. Der histologische Befund ergab einen bösartigen Hodentumor. Wir wünschen Dir weiterhin viel Kraft, @HallerSeb! 🙏
Zur Meldung: https://t.co/8WAUXVVJ55 pic.twitter.com/dqSWhkCGZO
— Borussia Dortmund (@BVB) July 30, 2022
Klubi gjithashtu përsëriti kërkesën e tyre për privatësi në këtë kohë jashtëzakonisht të vështirë.
“Ne kërkojmë nga mediat dhe fansat për mirëkuptimin e tyre se ne nuk do të publikojmë asnjë detaj mjekësor në lidhje me trajtimin e Sebastien Haller përtej informacionit të përmendur,” vazhdoi Kehl. “As sot dhe as në muajt në vijim.”
Haller ishte transferuar te Dortmundi vetëm këtë verë pasi kaloi sezonin e kaluar te Ajax./Shqip.com
