Sport Ndërkombëtar

Haaland – dhe statistikat e tij astronomike

Erliing Haaland

Manchester City nuk po ndalet së fituari.

Një nga arsyet kryesore quhet “Erling Haaland”.

Sulmuesi norvegjez – nuk e ka butonin “stop” dhe mbrëmë i tregoi botës edhe një herë – pse konsiderohet si një nga talentët më të mëdhenjë – të viteve të fundit

Haaland shënoi dy gola ndaj Sevillës – në fitoren 0-4, për të arritur shifrën magjike prej 25 golave nën emrin e tij – në Ligën  e Kampionëve.

Shtagjati e ka arritur këtë numër astronomik – në vetëm 20 ndeshje të zhvilluara – dhe kjo ka ngjallur debate të mëdha në publik.

As, Cristiano Ronaldo – i cili është golashënuesi më i mirë në historinë e këtij kompeticioni nuk ka statistika më të mira.

Madje, CR7 nuk kishte shënuar as edhe një gol të vetëm në 20 ndeshjet e para të zhvilluara në Champions.

Teksa, Leo Messi i kishte vetëm tetë.

Se çfarë statistika të frikshme ka Haaland –  e tregon edhe fakti, që nëse shënon edhe katër gola – e barazon Luis Suarezin, i cili gjatë tërë karrierës ka shënuar 27 herë – në këtë garë.

Erliing ka zhvilluar 54 ndeshje më pak se “El Pistolero”.

Numri nëntë ka kontratë valide me Cityn – deri në vitin 2027, ndërsa në “Transfermarkt” vlerësohet 150 milionë euro.

Pep Guardiola – duket që e ka zgjidhur problemin e golave – për disa vite./Shqip.com

Shqip.com
Çmimet e derivateve në Kosovë Çmimi maksimal i lejuar për secilin produkt të naftës.
  • Dizel: 1.61
  • Benzine: 1.34
  • Gas: 0.76
Sot : 30/09/2022