Grupi i gjakut mund të parashikojë rrezikun për goditje në tru

Lloji i gjakut mund të lidhet me rrezikun për të pasur një goditje të hershme në tru, sugjeron hulumtimi.

Studiuesit amerikanë shqyrtuan dhjetëra studime mbi gjenetikën dhe goditjet ishemike, lloji më i zakonshëm, shkruan Dailymail.

Ata zbuluan se njerëzit me grupin e gjakut A kanë 16 për qind më shumë gjasa të vuajnë para moshës 60 vjeç, krahasuar me gjithë të tjerët.

Njerëzit me grupin B të gjakut ishin në një rrezik pak më të lartë të një goditjeje – por rreziku ishte më i ulët për ata me llojin më të zakonshëm O.

Është e paqartë pse grupi i gjakut luan një rol në rrezikun e goditjes në tru, por mendohet se ndikon në rrezikun e një personi për të zhvilluar mpiksje të rrezikshme.

Goditjet ndodhin kur një mpiksje gjaku ndërpret gjakun dhe oksigjenin në tru dhe ato përbëjnë gati nëntë në 10 goditje.

Mpiksjet e gjakut zakonisht formohen në zonat ku arteriet janë ngushtuar ose bllokuar me kalimin e kohës nga depozitat yndyrore të njohura si pllaka.

Në hulumtimin e fundit, një ekip nga Universiteti i Maryland-it analizoi të dhënat për 7000 pacientë me goditje në tru dhe rreth 600000 njerëz të shëndetshëm nga 48 studime të ndryshme.

Ata zbuluan se njerëzit me gjak O kishin 12 për qind më pak gjasa të pësonin një goditje para moshës 60 vjeçare ndërsa tipet B dhe AB nuk kishin asnjë ndikim.

Hulumtimi, i botuar në revistën Neurology, zbuloi gjithashtu se rreth një në 16 goditje në mesin e njerëzve të grupit A mund t’i atribuohet vetëm gjakut të tyre.