Gati “tradhtia” e radhës në relacionin Real Madrid – Barcelona

Kalimi i një futbollisti nga Real Madridi te Barcelona konsiderohet tradhti dhe shkakton bujë të madhe. Diçka e tillë pritet të ndodhë edhe në verën e këtij viti.

Mesfushori i Real Madridit, Marco Asensio, do të transferohet te Barcelona, sipas FootballTransfers, duke cituar burime të afërta me situatën.

Kontrata e Asensios përfundon në fund të sezonit, pas së cilës ai do të bëhet lojtar i lirë dhe mund të nënshkruajë me cilindo ekip që ai zgjedh. Interesi për futbollistin 27-vjeçar i atribuohej Arsenalit, por sipas zërave, Asensio tashmë ka vendosur të kalojë te Barça.

Nga ky vendim pritet të vuajë anësori brazilian i Barcelonës, Rafinha, të cilin klubi katalanas synon ta shesë në verë.