Foshnja e porsalindur gjendet në tualetin e avionit të Air Mauritius
Stafi i aeroportit në Mauritius ka gjetur një djalë të porsalindur të braktisur në koshin e plehrave të tualetit të një avioni.
Një 20-vjeçare nga Madagaskari, e dyshuar se ka lindur në fluturim, është arrestuar, shkruan BBC, transmeton Shqip.com.
Avioni i Air Mauritius, i cili mbërriti nga Madagaskari, u ul në Aeroportin Ndërkombëtar Sir Seewoosagur Ramgoolam më 1 janar.
Oficerët e aeroportit e gjetën foshnjën kur bënë kontrollin rutinë të avionit.
Ata e dërguan foshnjën në një spital publik për trajtim.
Gruaja e dyshuar si nëna e fëmijës, e cila fillimisht mohoi se djali ishte i saj, iu nënshtrua një ekzaminimi mjekësor që konfirmoi se ajo sapo kishte lindur.
Ajo u vendos nën vëzhgimin e policisë në spital.
Si ajo ashtu edhe foshnja thuhet se janë mirë.
Gruaja malagaziane do të merret në pyetje pas lirimit nga spitali dhe do të akuzohet për braktisjen e një të porsalinduri./SHQIP.com