Erik ten Hag synon mesfushorin e Chelseat, N’Golo Kante
Shqip
Trajneri i ri i Manchester United, Erik ten Hag, dëshiron që ylli i Chelseat, N’Golo Kante, të nisë rindërtimin e tij të Manchester United .
Fituesi francez 31-vjeçar i Kupës së Botës ka një vit të mbetur në kontratën e tij me Stamford Bridge dhe Ten Hag beson se mesfushori i Chelseat ka ende aftësinë, përvojën dhe urinë për të ndihmuar yjet e tij të rinj sezonin e ardhshëm, shkruan The Mirror.
Kante iu bashkua Chelseat në vitin 2016 në një marrëveshje prej 32 milionë funtesh nga Leicester disa javë pasi fitoi titullin e Premier League.
Ten Hag beson se mesfusha e United ka nevojë për ndryshime drastike për t’u bërë më energjike, vendimtare dhe konkurruese.
Holandezi tashmë është lidhur me të riun e Monacos, Aurelien Tchouameni dhe yllin e Barcelonës, Frenkie de Jong, teksa ai kërkon fytyra të reja për të përmirësuar mesfushën e United.
Ylli i Anglisë i West Ham-it, Declan Rice gjithashtu është lidhur me një kalim në Old Trafford, megjithëse 150 milionë £ që kërkohen nga Hammer’s janë edhe jashtë mundësive financiare të United./Shqip.com
