Emërohet Komisioni i ri i Autoritetit Kosovar të Konkurrencës
Shqip
Kuvendi i Republikës së Kosovës, në seancën plenare të mbajtur më 14 qershor 2022, me propozimin e Qeverisë së Republikës së Kosovës, ka marrë vendim për emërimin e anëtarëve të Komisionit për Mbrojtjen e Konkurrencës.
Sipas këtij vendimi, anëtarë të Komisionit për Mbrojtjen e Konkurrencës, janë emëruar, Neime Binaku-Isufi, kryetare, Kaltrina Sela, zëvendëskryetare, dhe 3 anëtar të Komisionit.
Ky vendim parasheh se mandati i anëtarëve të Komisionit për mbrojtjen e Konkurrencës, sipas pikës (1) të këtij vendimi është pesë vjet.
Vendimi i është dërguar Qeverisë së Republikës së Kosovës, Autoritetit Kosovar të Konkurrencës, të emëruarve në Komisionin për mbrojtjen e konkurrencës dhe Arkivit të Kuvendit.
Ndryshe, Qeveria me 9 mars kishte propozuar Kuvendit të Kosovës emrat për kryetar dhe anëtarë të Komisionit të AKK-së./SHQIP.com
