El Salvadori fillon të transferojë mijëra të burgosur në një ‘mega burg’ pas goditjes së bandave

Qeveria e El Salvadorit zhvendosi mijëra anëtarë të dyshuar të bandës në një “mega burg” të sapo hapur të premten.

Kjo është bërë për të goditur krimin, pasi që popullsia e burgosurve të kombit të Amerikës Qendrore po rritet.

“Kjo do të jetë shtëpia e tyre e re, ku ata nuk do të jenë në gjendje t’i bëjnë më dëm popullatës,” shkroi Presidenti Nayib Bukele në Twitter.

Rreth 2,000 anëtarë të akuzuar të bandës u transferuan në burgun me kapacitet prej 40,000 personash, i konsideruar si më i madhi në Amerikë, herët në mëngjesin e së premtes.

Bukele u kërkoi aleatëve të tij në Kongresin e El Salvadorit të kalonin një gjendje përjashtimi vitin e kaluar, i cili që atëherë është zgjatur disa herë, që pezullon disa të drejta kushtetuese pas një rritjeje dramatike të vrasjeve që i atribuohen bandave të dhunshme.

Që atëherë, më shumë se 64,000 të dyshuar janë arrestuar në rrjetin kundër krimit.

Arrestimet mund të bëhen pa urdhër, komunikimet private janë të aksesueshme nga qeveria dhe të arrestuarit nuk kanë më të drejtë për avokat.

Organizatat e të drejtave të njeriut argumentojnë se njerëz të pafajshëm janë kapur nga politika, duke përfshirë të paktën dhjetëra që kanë vdekur në paraburgimin e policisë, raporton CNN.