Edon Zhegrova shkëlqen me Lillen, shënon dy gola ndaj Lorientit
Shqip
Mesfushori i Përfaqësueses së Kosovës, Edon Zhegrova ka vazhduar shkëlqimin në Francë me skuadrën e Lilles.
24-vjeçari ia siguroi fitoren skuadrës së tij në ndeshjen ndaj Lorient, të vlefshme për javën e 29-të në Ligue 1.
Ndeshja e zhvilluar në stadiumin “Pierre-Mauroy” përfundoi me rezultatin 3:1.
Zhegrova hyri si zëvendësues në këtë ndeshje në minutën e 82-të dhe ia doli të shënonte dy herë, në minutat 89 dhe 91, duke qenë kështu vendimtar në fitoren e Lille.
Goli tjetër për vendasit u shënua nga Remy Cabella (13′). Ndërkaq, golin e vetëm për mysafirët e shënoi Ibrahima Kone (77′).
Zhegrova tani numëron tre gola në elitën e futbollit francez këtë sezon, krahas edhe katër asistimeve.
Lille pas kësaj fitore ka 52 pikë dhe renditet në pozitën e pestë në tabelë, kurse Lorient është në pozitën e tetë me 44 pikë.
Le doublé d’Edon Zhegrova dans les dernières minutes du match ! 💥pic.twitter.com/4ngDXtgNpp
— Le Vieux Dogue (@LeVieuxDogue) April 2, 2023
/Shqip.com
