E tmerrshme / Nëna hedh djalin e saj 6-vjeçar me aftësi të kufizuara në lumin me krokodilë

Një nënë që hodhi djalin e saj gjashtë vjeçar me aftësi të kufizuara në një lumë të mbushur me krokodilë, tani ka fajësuar burrin e saj, duke pretenduar se ai e kreu aktin. Djali u godit për vdekje nga zvarranikët.

Savitri Kumar, 32 vjeç, nga Uttara Kannada, një distrikt në shtetin perëndimor indian të Karnataka, pati një debat të ashpër me babanë e djalit, Ravi Kumar, 27 vjeç, i cili vazhdimisht e urdhëroi atë që ta ‘hidhte fëmijën larg’, raporton Times of India. Policia thotë se burri i saj e kishte kundërshtuar faktin që gruaja të lindte djalin Vinod, i cili ishte shurdhmemec.

Kur prindërit, të cilët kanë gjithashtu një djalë dy vjeçar, u grindën përsëri për më të madhin të shtunën në mbrëmje, Savitri u ‘shqetësua’ dhe thuhet se e hodhi djalin e saj në një kanal mbeturinash që derdhet në lumin Kali, i cili është i mbushur me krokodilë.

Sipas mediave lokale, ajo i tha policisë: ‘Burri im është përgjegjës. Ai vazhdonte të thoshte le të vdesë djali dhe se gjithçka që bën është të hajë. Nëse burri im vazhdon ta thotë këtë, sa tortura mund të durojë djali im? Ku do të shkoj të ndaj dhimbjen time?’

Zhytësit e policisë gjetën trupin e fëmijës, i cili kishte shenja kafshimi gjithandej. Djali pësoi lëndime të rënda dhe i mungonte një dorë, gjë që një oficer policie sugjeroi se djali ishte plagosur për vdekje nga një ose më shumë krokodilë.

Është urdhëruar një post mortemi për të përcaktuar shkakun e vdekjes së 6-vjeçarit. Një oficer policie i tha mediave lokale se ishte një rast ‘vrasje’ dhe se burri dhe gruaja janë arrestuar.