Dhimbja në fundshpinë – Çfarë e shkakton dhe si ta shmangni?

Shkaqe të ndryshme qoftë shëndetësore, apo aktivitetet fizike mund të shtrembërojnë shtyllën kurrizore.

Më poshtë janë ndër shkaqet më të shpeshta që po shkaktojnë dhimbje në fundshpinë dhe po ju shtrembërojnë shtyllën kurrizore.

Vishni funde të ngushta dhe taka të larta

Fundet e ngushta mund të kufizojnë lëvizjen në ijët tuaja, gjë që shkakton tendosje të shtyllës kurrizore. E njëjta gjë ndodh kur vishni një palë taka të larta, këto këpucë i pozicionojnë këmbët tuaja në një lartësi jo të natyrshme, e cila nga ana tjetër bën që muskujt në pjesën e poshtme të shpinës të zhvendosen.

Jeni të stresuar

Kur trupi lëshon hormone të stresit, kjo bën që muskujt të shtrëngohen në mënyrë instiktive. Tensioni në muskujt tuaj, nga ana tjetër, çon në ndjesi të dhimbshme në qafë, shpatulla dhe shpinë.

Përdorni një jastëk të papërshtatshëm për të fjetur

Shumica e jastëkëve e vendosin kokën tuaj në një pozicion të panatyrshëm, i cili ushtron presion në qafë dhe në shtyllën kurrizore, duke shkaktuar dhimbje dhe gjumë të dobët.

Po lani enët në mënyrën e gabuar

Përkulja mbi lavamanin tuaj gjatë larjes së enëve ushtron presion në pjesën e poshtme të shpinës, duke bërë që muskujt në këtë zonë të tendosen.

Ngjisni shpesh shkallë

Nëse vuani nga dhimbje në gju ose shpinë, është më mirë të konsultoheni me mjekun tuaj përpara se të përdorni shkallët si një mënyrë për të humbur peshë.

Lexoni në shtrat

Zakoni i leximit të disa faqeve të librit tuaj të preferuar para se të flini mund të çojë në ngurtësim të shpatullave dhe të shpinës. Kur mbështetemi gjatë kohës që lexojmë në shtrat, kjo shkakton tension në shpinë dhe muskuj në pjesën e poshtme të shtyllës kurrizore, gjë që shkakton dhimbje.

Nëse leximi i një libri para se të flini ju ndihmon të relaksoheni pas një dite të ngarkuar, investoni në një karrige që ju ofron një mbështetje të mirë për kurrizin.