City po e udhëheq garën për Bellingham
Ylli i ri anglez, Jude Bellingham është një nga lojtarët më të përfolur.
E ardhmja e tij është temë diskutimi – me shumë skuadra që po kërkojnë shërbimet e 19-vjeçarit.
Borussia Dortmund refuzoi ta shes në afatin kalimtar që lamë pas – por verën e ardhshme është e gatshme të shes diamantin e ri për atë që ofron 93 milionë euro.
Manchester City beson se po e udhëheq garën për të siguruar shërbimet e mesfushorit.
Por, ata nuk janë të vetmit në Angli që po luftojnë për shërbimet e Bellingham.
Liverpool tash e një kohë kanë shprehur interesim për reprezentuesin e “Tre Luanëve” dhe besonin që ishin një hapë përpara se konkurruesit.
Chelsea po ashtu janë tifozë të anglezit, derisa interesim ka edhe nga Manchester United, por atyre u duhet një vend në top-katërshe për të pasur mundësi.
Megjithatë sipas The Sun, City padyshim janë favorit, pasi kanë mundësin më të madhe t’i ofrojnë tituj dhe mundësin për tu ribashkuar me ish-shokun e skuadrës Erling Haaland./Shqip.com
