Çajrat më të mirë për të trajtuar ftohjet

Kur jeni duke luftuar një ftohje, është thelbësore të konsumoni lëngje pa kafeinë që ju mbajnë të hidratuar. Një zgjedhje e zgjuar është një filxhan çaj të nxehtë, pasi mund të qetësojë dhimbjen e fytit, dhe të ndaloni kollën.

Shumë prova sugjerojnë se disa përbërës të çajit bimor mund të lehtësojnë simptomat e infeksionit të frymëmarrjes.

Më poshtë janë të renditur çajrat që mund të ndikojnë kundër kollës dhe gripit.

Çaji me limon

Pirja e çajit me limon, ose shtrydhja e limonit në një lloj tjetër çaji bimor, është një ilaç shtëpiak kundër ftohjes.

Limonët janë një frut agrumesh, që përmbanë vitaminë C. Vitamina C është një lëndë ushqyese e rëndësishme për trupin tuaj kur jeni duke luftuar një ftohje ose virus, shkruan HealthLine.

Çaji i manaferrës

Shumë njerëz besojnë se ekstrakti i manaferrës mund t’ju ndihmojë të shëroheni më shpejt nga infeksionet si gripi dhe ftohja e zakonshme.

Çaji Echinacea

Echinacea është një barishte e njohur që vjen nga një bimë e quajtur lulja e purpurt. Ka shumë kërkime kontradiktore në lidhje me efektin e çajit echinacea në ftohjet. Disa studime sugjerojnë se echinacea stimulon aktivitetin imunitar për të shkurtuar infeksionet bakteriale dhe viruset.

Çaji i gjelbër

Çaji i gjelbër është i popullarizuar në të gjithë botën për përfitimet e shumta shëndetësore. Çaji i gjelbër ka përmbajtje të lartë antioksidante, gjë që ndihmon në mbështetjen e trupit kur ai është nën sulm nga faktorët mjedisorë ose nga një infeksion ndërhyrës.

Çaji bimor me mjaltë

Çajrat bimor mund të bëhen nga fruta të thata, erëza ose barishte. Ata shpesh mbajnë një aromë të ëmbël dhe aromë qetësuese. Çaji i kamomilit dhe çaji i mentes kanë qenë prej kohësh të konsumuar kundër ftohjes së zakonshme.

Mjalti gjithashtu rekomandohet si një trajtim kundër kollës.

Përzierja mjaltit së bashku me çajin mund të lirojë gëlbazën, të qetësojë dhimbjen dhe të ndalojë kollën.

Qëndrimi i hidratuar me shumë pije pa kafeinë mund t’ju ndihmojë të rikuperoni./Shqip.com