Begaj: Shqipëria do të jetë gjithmonë në krah të Kosovës
Presidenti i Republikës së Shqipërisë, Bajram Begaj, ka vizituar sot Kosovën dhe është pritur në objektin e Qeverisë nga kryeministri i Kosovës, Albin Kurti.
Begaj ka thënë se në takim është biseduar për sfidat e sigurisë në të dy shtetet, ndërsa theks i veçantë është vënë mbi situatën në veri të Kosovës.
“Gjatë qëndrimit në Kosovë zhvillova një takim me kryeministrin e Republikës së Kosovës, z. Albin Kurti, me të cilin biseduam për sfidat e sigurisë për dy shtetet tona, veçanërisht në Veriun e Kosovës”, shkruan Begaj në një status në Facebook.
Postimi i plotë:
Gjatë qëndrimit në Kosovë zhvillova një takim me kryeministrin e Republikës së Kosovës, z. Albin Kurti, me të cilin biseduam për sfidat e sigurisë për dy shtetet tona, veçanërisht në Veriun e Kosovës.
Ritheksova qëndrimin se sovraniteti dhe integriteti territorial i Kosovës janë të pacënueshme. Shqipëria do të jetë gjithmonë në krah të Kosovës.
/Shqip.com