Bebe Rexha dhe i dashuri i saj paraqitën bashkë në dasmën e Paris Hillton
Shqip
Këngëtarja me origjinë shqiptare, Bebe Rexha, ka qenë e ftuar në dasmën e mikeshës së saj, Paris Hilton.
Ajo ka qenë e ftuar në ceremoni së bashku me të dashurin e saj, kinematografi Keyan Safyari, i cili dukej bukur i veshur me një kostum të zi.
Por, ajo që mahniti në këtë dasmë ishte Bebe me paraqitjen e saj elegante, e veshur me një fustan të gjatë klasik.
Rexha është fotografuar e buzëqeshur dhe mund të shihej se ishte në humor të mirë në dasmën e shoqes së saj.
Këngëtarja dhe aktorja e njohur e Hollywoodit, Paris Hilton, i ka dhënë fund beqarisë.
Ajo ka kurorëzuar dashurinë e saj me martesë me sipërmarrësin Carter Reum në një ceremoni luksoze të organizuar në pronën e gjyshit të saj të ndjerë në Bel-Air.
Lajmin e martesës 40-vjeçarja konfirmoi duke publikuar në Instagram disa fotografi para ceremonisë, ku shfaqej me fustanin e nusërisë të punuar nga “Oscar de la Renta”./SHQIP.com
