Basha: Shqipëria t’i pranojë afganët si bashkëpunim strategjik me SHBA-të

Kreu i opozitës në Shqipëri, Lulzim Basha, ka thënë se duhet të pranohet kërkesa e Shteteve të Bashkuara të Amerikës për pranimin e qindra refugjatësh afganë.

“Shqipëria duhet të bëjë, ashtu sikurse e kemi bërë më parë, pjesën e saj, në proporcion me kushtet dhe mundësitë tona”, ka shkruar Basha.

Të dielën, kryeministri shqiptar, Edi Rama, tregoi se do ta bëjnë këtë. Të njëjtën ia sugjeroi edhe Kosovë.

Sipas Bashës, rrezik për identiteitn kombëtar nuk është bashkëpunimi strategjik me SHBA-të, por siç e cilësoi ai “Qeveria e pakicës”.

“Sikurse është detyra jonë të jemi në lartësinë e angazhimeve ndërkombëtare, është po ashtu detyra jonë të jemi në lartësinë e sfidave që ka Shqipëria, për të patur një qeveri që punon për njerëzit dhe mbështet aspiratat e tyre legjitime për të jetuar me dinjitet dhe mirëqenie në vendin e tyre”, ka shkruar Basha në Facebook.

Situata në Afganistan është tensionuar pas tërheqjes së trupave ndërkombëtare.

Talebanët kanë përparuar dhe tash janë duke hyrë në Kabul nëpër të gjitha anët.. /Shqip.com