Barcelona do të ndërtojë statujën e Messit jashtë “Camp Nou”

Presidenti i Barcelonës, Joan Laporta ka njoftuar se klubi do të ndërtojë një statujë të Lionel Messit jashtë “Camp Nou”, shkruan GOAL.

Messi u largua nga Barcelona pas gati 20-vjet me klubin në vitin 2021, pasi ata nuk ishin në gjendje të vazhdonin kontratën e tij për shkak të borxheve të shumta.

Argjentinasi nuk mori as një paraqitje lamtumire pasi u njoftua për largimin e tij, por Laporta tani ka konfirmuar planet për ta përjetësuar atë jashtë stadiumit të famshëm të klubit.

Laporta tha në Asamblenë e Përgjithshme të Barçës gjatë fundjavës se vendimi tashmë ishte marrë.

“Ne do të ndërtojmë një statujë të Leo Messit jashtë Camp Nou. Vendimi është marrë”, tha ai.

Kanë qarkulluar thashetheme se Messi mund të kthehet në Camp Nou verën e ardhshme, në të cilën pikë kontrata e tij aktuale me Paris Saint-Germain do të skadojë.

Megjithatë, 35-vjeçari ka një opsion për të zgjatur qëndrimin e tij në “Parc des Princes” dhe nuk do të marrë një vendim përfundimtar për të ardhmen e tij deri në fund të sezonit.

Shtatë herë fituesi i Topit të Artë humbi ndeshjen e fundit të PSG-së në Ligue 1 kundër Reims për shkak të lëndimit, por është në linjë për t’u rikthyer kundër Benfica-s në Ligën e Kampionëve të martën mbrëma.