Arifi fton për vizitë në Luginë të Preshevës Albin Kurtin
Kreu i Komunës së Preshevës, Shqipërim Arifi ka ftuar për vizitë në Luginë të Preshevës, kryeministrin e Kosovës, Albin Kurti.
Këtë kërkesë Arifi e ka bërë përmes një postimi në rrjetin social në Twitter.
“Ministria e Punëve të Jashtme të Kosovës ka konfirmuar vizitën e kryeministrit të Serbisë në Kosovë. Kështu, më 5 shtator, zonja Brnabiq udhëton në minoritetin serb në veri të Kosovës. Ftoj kryeministrin e Kosovës, Albin Kurti, për vizitë zyrtare dyditore te shqiptarët e Luginës së Preshevës”, ka shkruar Arifi në Twitter.
MFA 🇽🇰 has confirmed the visit of Prime Minister of Serbia to Kosovo. So, on September 5, Mrs. Brnabić travels to the Serbian minority in northern Kosovo.
I invite Kosovo PM @albinkurti for official two-day visit to the Albanians of the Presevo Valley 🇦🇱
— Shqiprim Arifi (@arifishqiprim) September 2, 2022
Kjo ftesë e Arifit për Kurtin, vjen pasi që kryeministrja e Serbisë, Ana Bërnabiq pritet që të vizitojë Kosovën ditën e hënë me 5 gusht pas aprovimit nga Ministria e Punëve të Jashtme të Kosovës.
“Ministria e Punëve të Jashtme dhe Diasporës në Qeverinë e Republikës së Kosovës, i është përgjigjur pozitivisht kërkesës së kryeministres së Serbisë, Ana Bërnabiq që ta vizitojë Kosovën me datën 5 shtator 2022. Dhënia e lejes për vizitë bazohet në marrëveshjen lidhur me vizitat e ndërsjellta të përfaqësuesve politikë mes Republikës së Kosovës dhe Serbisë”, thuhet në përgjigjen e MPJ-së për Shqip.com.
Siç raporton radio kontakt plus, ajo gjatë vizitës njëditore do të qëndrojë në Mitrovicë të Veriut, Leposaviç dhe Zveçan.
Ndryshe, kjo është vizita e saj e parë në Kosovë në rolin e kryeministres së Serbisë./SHQIP.com