Apple planifikon të pajisë MacBooks me modem celularë të brendshëm

Gjiganti amerikan i teknologjisë, Apple, ka ndarë mendjen që përfundimisht të ndërtojë çipin e vet që do mundësonte integrimin e kësaj teknologjie në kompjuterët MacBook.

Viti që po përmendet tani është 2028-a, ani se Apple thuhet se ka punuar në modemin e vet që nga viti 2018, pasi kërkon të largohet nga komponenti i Qualcomm që përdoret aktualisht në iPhone, raporton Bloomberg dhe Power On, shkruan Shqip.com.

Gurman nga Power On thotë se aspiratat e personalizuara të teknologjisë së Apple përfshijnë integrimin e një modemi të brendshëm në sistemin i tij dhe do të mundësonte lidhjen e integruar celulare të MacBooks me telefonat iPhone.

Gurman thotë se Apple “ndoshta do t’i duhen dy ose tre vjet shtesë për ta futur atë çip brenda versioneve celulare të Apple Watch, iPad dhe Mac”.

Apple ka eksploruar mundësinë e zhvillimit të MacBooks me lidhje celulare në të kaluarën. Në të vërtetë, kompania thuhet se mendoi të lansonte një MacBook Air me lidhje 3G, por ish-drejtori Steve Jobs tha në 2008 se ishte kundër, pasi do të merrte shumë hapësirë.

Në buletinin e fundit të shkruar nga Gurman, thuhet gjithashtu se disa nga projektet e tjera të vazhdueshme të çipave të Apple përfshijnë sensorë kamerash, bateri, një çip i kombinuar Wi-Fi dhe Bluetooth që përfundimisht do të zëvendësojë pjesët nga Broadcom, ekranet Micro-LED për Pajisjet Apple dhe një sistem monitorimi joinvaziv të glukozës.