Al-Nassr i bën dhuratë të veçantë Ronaldos  

Al-Nassr i ka dhuruar një tortë të veçantë yllit, Cristiano Ronaldo, pasi ai theu rekordin për më shumë paraqitje ndërkombëtare. 38-vjeçari tejkaloi numrin e Bader Al-Mutawa me 196 paraqitje ndërkombëtare, kur Portugalia u përball me Lihtenshtajnin në ndeshjen e tyre hapëse të fushatës kualifikuese të “Euro 2024”.

Për të shënuar këtë sukses, Al Nassr shërbeu një tortë të veçantë për nder të Ronaldos. Portugalia e filloi fushatën e saj kualifikuese me efikasitet të lartë, duke shënuar 10 gola në dy ndeshje përkatësisht kundër Lihtenshtajnit dhe Luksemburgut.

Ronaldo shënoi nga dy gola në secilën prej ndeshjeve. për ta çuar atë në 122 gola ndërkombëtare në 198 ndeshje. Sa i përket karrierës së tij të deritanishme në Arabinë Saudite, Ronaldo ka shënuar nëntë gola në 10 ndeshje, që kur iu bashkua Al-Nassr.