Abrahami flet për Dybalan: Roma mund të ketë dy mbretër

Reprezentuesi anglez, Tammy Abraham ka besim se ai dhe nënshkrimi i ri, Paulo Dybala mund të punojnë mirë së bashku pasi synojnë një vend në Ligën e Kampionëve.

Abraham ka mohuar se është i shqetësuar për humbjen e vendit të tij në skuadrën e Romës nga Dybala.

Skuadra e Serie A nënshkroi sulmuesin argjentinas në një transferim të lirë këtë verë dhe ai pritet të bëhet një lojtar yll për skuadrën e Jose Mourinhos, por Abraham insiston se mund të ketë “dy mbretër” në kryeqytetin italian, shkruan GOAL.

Sulmuesi anglez është i emocionuar për të mirëpritur ish-lojtarin e Juventusit në klubin “Stadio Olimpico” dhe beson se nënshkrimi i tij është provë e ambicieve të Romës.

“Jo. Mund të jenë dy mbretër, apo jo? Është një privilegj për ne që të kemi një lojtar të këtij niveli në ekip. Do të thotë shumë për tifozët dhe do të thotë shumë për ne, që po ndërtojmë një projekt teknik të profilit të lartë”, tha ai.

24-vjeçari iu bashkua Romës nga Chelsea një vit më parë dhe shënoi 17 gola në sezonin e tij debutues në Serie A, ndërsa skuadra e Jose Mourinhos përfundoi në vendin e gjashtë në tabelë./Shqip.com