Abazi e quan të rrezikshme Byron për Konfisikimin e Pasurisë

Deputeti i Lëvizjes Vetëvendosje, Haki Abazi ka thënë se Byroja për Konfiskimin e Pasurisë së Pajustifikueshme mund të bëhet e rrezikshme.

Në T7, Abazi ka sqaruar edhe arsyen se pse ka dalur nga votimi kur është votuar Projektligji për Byronë për Konfiskimin e Pasurisë në Kuvendin e Kosovës.

“Nëse më pyet pse kam dal prej votimit atëherë janë disa aspekte. Byroja në momentin të cilin jemi, mund të duket hap i domosdoshëm në kohën që jemi, por në anën tjetër nëse dikush tjetër vjen në pushtet mund ta përdorë atë për konfiskim të pasurive dhe do të ishte shumë e rrezikshme. Mendoj që rekomandimet e Komisionit të Venecias nuk do të duhej të mos përfshiheshin deri në momentin kur është vënë në diskutim”, tha Abazi.

Kurse, Kryeministri Albin Kurti tha se me votimin në lexim të parë të Projektligjit për Byronë Shtetërore për Verifikimin dhe Konfiskimin e Pasurisë së Pajustifikueshme, do të ecin bashkë drejt mundësimit të konfiskimit civil, pa dënim, të pasurisë që nuk justifikohet dot.

Ndërsa, Kuvendi i Kosovës e ka miratuar në parim Projektligjin për Byronë Shtetërore për Verifikimin dhe Konfiskimin e Pasurisë së Pajustifikueshme.

Këtë projektligj e kanë votuar pro 61 deputete dhe 58 të tjerë kundër si dhe 3 nga abstenuan.

Kryetari i Kuvendit dhe deputetja e LVV-së, Doarsa Kica kanë abstenuar.

Opozita kundërshtoi dhe kërkoi që ky projektligj, të cilin e konsiderojnë kundërkushtetues, të mos hedhet në votim.

Byroja Shtetërore për Verifikimin dhe Konfiskimin e Pasurisë së Pajustifikueshme, bën verifikim e pasurisë nëse ekzistojnë dyshime se ajo është fituar në mënyrë të kundërligjshme.

Përveç tyre, verifikimi dhe konfiskimi i pasurisë së pajustifikueshme do bëhet edhe për anëtarët e familjes së tyre dhe palëve të treta, që nënkupton personat te të cilët dyshohet se është bartur pasuria e zyrtarëve publikë./Shqip.com