A shkaktojnë dhimbje të qafës problemet me bllokimin e sinusesve?

Shumë njerëz ankohen për dhimbjen e kokës që shkaktohet nga sinuset por kjo është diçka që ndodh më rrallë nga sa mendoni.

Edhe më pak e zakonshme është një dhimbje koke sinusale në kombinim me dhimbjen e qafës, por kjo mund të ndodhë.

Dhimbja e qafës mund të shfaqet edhe si pasojë e dhimbjeve të tjera të kokës, si për shembull migrena.

Çfarë është një dhimbje koke e shkaktuar nga sinuset?

Studimet tregojnë se shumica e njerëzve që ankohen për dhimbje koke nga sinuset, kanë në të vërtetë dhimbje koke nga migrena, shkruan agroweb.

Dhimbja nga sinuset mund të ngatërrohet lehtësisht me migrenën, sepse dhimbjet e kokës nga migrena shkaktojnë kongjestion nazal dhe dhimbje të fytyrës.

Infeksionet e sinuseve shkaktohen nga viruse ose baktere që infektojnë një ose më shumë nga sinuset.

Sinuset lidhen me hundën përmes tubave kullues.

Kur një sinus infektohet, mund të mbushet me qelb dhe mukozë.

Një infeksion i sinusit zakonisht zgjat 10 ditë ose më shumë. Mund të keni dhimbje koke, por gjithashtu do të keni disa nga këto simptoma të zakonshme: Ethe, hundë të zëna, humbje e nuhatjes, dhimbje rreth syve ose mbi dhëmbë.

Ekziston edhe një lloj infeksioni i sinuseve që mund të shkaktojë dhimbje në qafë që quhet Sinusiti sphenoid.

Sinusiti sphenoid mund të shkaktojë dhimbje në mes të kokës, prapa syve ose dhimbje në qafë.

Për një infeksion bakterial, do t’ju duhet të merrni gjithashtu edhe antibiotikë.

Ndërsa për një infeksion ose inflamacion afatgjatë të sinuseve, të quajtur sinusit kronik, mund t’ju duhet të bëni shpëlarje të hundës me ujë të kripur, të përdorni sprej steroide nazale ose një procedurë mjekësore për të hapur dhe kulluar sinusin e infektuar.

Dhimbje të tjera të kokës që shkaktojnë dhimbje në qafë

Dhimbja e qafës mund të shkaktohet nga dhimbja e kokës cervikogjene.

Problemi në shtyllën kurrizore mund të jetë për shkak të presionit në një nerv ose enë gjaku nga një rruazë ose në një nga kockat tuaja.

Dhimbjet e kokës cervikogjene mund të jenë të rënda dhe zakonisht shkaktojnë dhimbje dhe ngurtësim në qafë, dhimbja përkeqësohet kur ju lëvizni qafën.

Ajo mund të shfaqet gjithashtu edhe në shpatulla, krahë, fytyrë, kokë dhe sy.