Mehaj: Kroacia do të angazhohet për anëtarësimin e Kosovës në NATO
Shqip
Ministri i Mbrojtjes, Armend Mehaj – ka bërë një postim në Facebook, ku ka treguar se Krocia e mbështetë anëtarësimin e Kosovës në NATO.
Mehaj – njoftoi se ka pasur një bisedë telefonike – me Ministrin e Mbrojtjes së Kroacisë, Mario Banozic.
Mehaj – po ashtu shkroi se “gjithashtu nga Ministri Banozic mora zotimin e tij për angazhim dhe mbështetje maksimale nga autoriteti i tij dhe Republikës së Kroacisë në synimin tonë për anëtarësim në NATO, në proces të përshpejtuar”
Për fund, ai shprehi falënderimet e tij për shtetin dhe popullin kroat./Shqip.com
Postimi i tij i plotë në Facebook:
Kroacia mbështetë maksimalisht dhe do të angazhohet për anëtarësimin e vendit tonë në NATOSot pata një bisedë me mikun tim, Ministrin e Mbrojtjes së Kroacisë, Mario Banozic.
Me Ministrin Banozic, diskutuam për situatën e përgjithshme të sigurisë të krijuar pas agresionit ushtarak të Rusisë në Ukrainë si dhe reflektimit të tij në rajonin tonë.Me të ndamë të njëjtin qëndrim se të gjitha vendet e Ballkanit Perëndimor me orientim euroatlantik duhet të jemi të bashkuar në tejkalimin e çdo sfide që mund të cenoj sigurinë dhe stabilitetin e rajonit tonë
.Gjithashtu nga Ministri Banozic mora zotimin e tij për angazhim dhe mbështetje maksimale nga autoriteti i tij dhe Republikës së Kroacisë në synimin tonë për anëtarësim në NATO, në proces të përshpejtuar.
Ju faleminderit miku im, Ministër Banozic!
Ju faleminderit Republikës së Kroacisë dhe popullit mik kroat!
