Haradinaj-Stublla publikon dokumentin ku Rusia i referohet Kosovës si Republikë
Ish-ministrja e Punëve të Jashtme dhe Diasporës, Meliza Haradinaj-Stublla, të premten publikoi një dokument, në të cilin Rusia i referohet shtetit të Kosovës si Republikë.
Sipas saj, dokumenti në fjalë vërteton që tashmë Rusia e ka njohur Kosovën dhe fuqinë e saj ligjore.
“Nëse Rusia s’e njeh pavarësinë e Kosovës, atëherë pse më 27 nëntor është dërguar një notë verbale në adresë të Ministrisë së Jashtme të Republikës së Kosovës, e jo në adresën e UNMIK-ut? Vë bast se kjo konfirmon se Rusia e njeh Kosovën dhe fuqinë e saj ligjore”, shkruan Haradinaj-Stublla në llogarinë e saj në Twitter.
If #Russia doesn’t recognise 🇽🇰’s independence, then why this note verbale on Nov 27 last year addressed the Republic of #Kosovo’s @MFAKOSOVO and NOT #UNMIK?’
I bet this confirms 🇷🇺 has already accepted 🇽🇰’s legal powers 😁 https://t.co/d65lLKsYit pic.twitter.com/k1l7XrrDO4
— Meliza Haradinaj – Stublla (@MelizaHaradinaj) October 22, 2021
Reagimi i saj vjen pasi Ambasada e Rusisë në Beograd deklaroi se nuk e njeh pavarësinë e Kosovës.
“Vendimet e marra nga shteti i panjohur i Kosovës nuk kanë fuqi ligjore”, kanë thënë nga kjo ambasadë derisa kanë komentuar vendimin e Kosovës për dëbimin e dy diplomatëve rusë.
“Ne nuk e njohim ‘pavarësinë’ e Kosovës, prandaj nuk e njohim ‘qeverinë’ dhe ‘strukturat’ e tjera të saj. Asnjë nga vendimet e Prishtinës nuk ka fuqi juridike për ne”, thuhet në reagimin e ambasadës ruse./SHQIP.com