Burg pa afat për 6 sirianët, qëlluan me armë efektivët shqiptarë në kufi me Kosovën

Gjashtë shtetasit sirianë të cilët qëlluan ndaj efektivëve të policisë dhe tentuan të kalojnë në mënyrë të paligjshme kufirin Kosovë-Shqipëri janë lënë në burg pa afat nga Gjykata e Kukësit.

Sirianë akuzohen për vrasje të punonjësve të policisë e mbetur në tentative, prodhim dhe mbajtje pa leje e armëve e municioneve dhe kalim të paligjshëm të kufirit.

Përplasja me armë ndodhi në datën 26 maj 2023 pas tentativës për kalimin e kufirit Shqipëri-Kosovë. Në aksionin e përbashkët mes policisë kufitare të Shqipërisë dhe Kosovës pati shkëmbime zjarri e për pasojë një polic i kufirit mbeti i plagosur në këmbë.

Pasi janë përballur me policinë dhe nuk kanë mundur të kalojnë drejt Kosovës, ata janë kthyer nga efektivët shqiptarë dhe i kanë qëlluar me armë.