Ukraina do të marrë pjesë në Samitin për Demokraci në SHBA

Shteti i Ukrainës do të marrë pjesë në Samitin për Demokraci që mbahet në SHBA.

Kështu ka deklaruar, presidenti i Ukrainës, Volodymyr Zelensky në fjalimin e tij të natës të hënën.

“Ne tashmë po përgatitemi për një ngjarje të rëndësishme ndërkombëtare që do të zhvillohet këtë javë me iniciativën e Presidentit (Joe) Biden dhe Shteteve të Bashkuara, Samiti për Demokraci. Ukraina do të marrë pjesë. Pozicioni ynë në mbështetje të lirisë do të tingëllojë i fortë, si gjithmonë”, tha presidenti i Ukrainës.

Zelensky nuk dha detaje shtesë për pjesëmarrjen e vendit të tij, raporton CNN.

Edhe Kosova do të marrë pjesë në Samitin për Demokraci. Kosova do të përfaqësohet nga ana e kryetarit të Kuvendit të Kosovës, Glauk Konjufca.