Autoritetet spanjolle sekuestrojnë vizatimin që i atribuohet Picasso-s me vlerë gati 500,000 dollarë

Autoritetet spanjolle sekuestruan një vizatim që i atribuohet Pablo Picasso -s pasi u gjet në valixhen e një pasagjeri nga zyrtarët doganorë spanjollë në një aeroport të Ibiza-s në fillim të këtij muaji.

Kështu ka njoftuar zyra doganore e Spanjës në një deklaratë të  hënën. Pasagjeri, i cili po fluturonte nga Cyrihu, nuk arriti të deklaronte veprën e artit, raporton Artnews.

Trois Personnages (1966) i Picasso-s vlen 450,000 franga zvicerane (464,658 dollarë).

Fillimisht i sinjalizuar nga zyrtarët doganorë zviceranë si “i dyshimtë”, udhëtari u mor në pyetje e më pas kontrolluan bagazhin e tij.

Fillimisht ai mohoi nevojën për një deklaratë doganore, duke pretenduar se pjesa ishte një kopje dhe duke siguruar një faturë prej 1500 frangash zvicerane (1549 dollarë) të paguar për veprën. Megjithatë, në fund të valixhes e tij, zyrtarët thuhet se gjetën një faturë tjetër që i referohej vizatimit të Pikasos nga një galeri arti me qendër në Cyrih për 450,000 franga zvicerane.

Meqenëse Zvicra nuk përfshihet në territorin jodoganor të Bashkimit Evropian, duhet të deklarohen veprat e artit që tejkalojnë 150,000 euro. Si pasojë e mosdeklarimit të vizatimit në doganë, udhëtari do të përballet me akuza kontrabande.

Një analizë paraprake e kryer nga drejtori i Museu d’Art Contemporani d’Eivissa me zyrtarët e doganës konfirmoi se “vepra është origjinale dhe se çmimi i faturuar nga galeria është përshtatur me çmimin e tregut”, thuhet në raport.

Ekspertët e veprës së Pikasos do të kryejnë kërkime më të gjera mbi vizatimin.

Një nga artistët më me ndikim të shekullit të XX, Picasso lindi në Spanjë, por pjesën më të madhe të jetës e jetoi në Francë, ku vdiq në moshën 91-vjeçare në vitin 1973.