Carlos Tevez njofton tërheqjen nga futbolli, pasi vdekjes së babait që e adoptoi
Shqip
Ish-sulmuesi i Manchester United dhe Manchester City, Carlos Tevez, ka njoftuar tërheqjen e tij nga futbolli në moshën 38-vjeçare.
Ish-reprezentuesi i Argjentinës ka thënë se po i vari këpucët për shkak të vdekjes së babait që e adoptoi në shkurt 2021.
Segundo Raimundo ndërroi jetë vitin e kaluar pasi përjetoi komplikime nga COVID-19.
Tevez tha se ai mund ta kishte vazhduar të luante edhe në Shtetet e Bashkuara, por ai ka vendosur t’i japë fund karrierës së tij 20-vjeçare.
“Kam dalë në pension, është konfirmuar. Ata më ofruan shumë gjëra, përfshirë edhe të luajë në Shtetet e Bashkuara. Por, kam dhënë gjithçka. Të luaja vitin e kaluar ishte shumë e vështirë. Unë ndalova së luajturi sepse humba tifozin tim numër një”, tha ai, shkruan The Athletic.
Tevez e filloi dhe e përfundoi karrierën e tij profesionale në Boca Juniors të Argjentinës.
Ai u transferua në skuadrën braziliane Corinthians në vitin 2005 përpara se të kalonte shtatë vjet në Angli me West Ham, Manchester United dhe Manchester City.
Tevez më pas vazhdoi të luajë për Juventus, Boca Juniors, Shanghai Shenhua në Kinë dhe më pas u kthye në skuadrën e fëmijërisë Boca Juniors.
Ai fitoi tre Premier League, dy tituj të Serie A dhe një Champions League gjatë kohës së tij në Evropë./Shqip.com
