Pogba ka arritur marrëveshje me Juventusin
Shqip
Sipas raportimeve të shumta në Itali, Juventusi ka arritur marrëveshje për kushtet personale me Paul Pogba për të rikthyer mesfushorin nga Manchester United si agjent i lirë.
Kontrata e tij me klubin Old Trafford do të skadojë më 30 qershor dhe gjatë dy ditëve të fundit bardhezinjtë informuan Manchester United se ishin në negociata me lojtarin.
Sipas La Gazzetta dello Sport, Juventus tani ka rënë dakord për kushtet personale me Pogba përmes avokatit të tij, i cili ka marrë përsipër bisedimet pas vdekjes së agjentit Mino Raiola.
Thuhet se është një kontratë trevjeçare me vlerë 10 milionë euro në sezon plus bonuse të lidhura me performancën.
Ndërkohë që kishte interesim edhe nga Paris Saint-Germain, Real Madrid dhe madje edhe Manchester City, Pogba e kishte zemrën të rikthyer në klubin ku ndihej më i lumtur dhe dha paraqitjet e tij më të mira.
Disa prej tyre ishin nën drejtimin e trajnerit Max Allegri, i cili gjithashtu është rikthyer në Torino pas një mungese dyvjeçare.
Është një kthesë e jashtëzakonshme, duke pasur parasysh se ai iu bashkua Juventusit si agjent i lirë nga Manchester United në vitin 2012 dhe u shit përsëri në të njëjtin klub të Premier League për 105 milionë euro në 2016.
Tani ai duket se do të vijë sërish te Zonja e Vjetër pa pagesë, duke e lënë dy herë jashtë xhepit Manchester United.
Ndërsa PSG me siguri do të kishte ofruar paga më të larta, Pogba mësoi në përvojën e tij në Premier League se ai nuk ndihej i vlerësuar nga tifozët dhe mediat./Shqip.com
