Mesfushori i PSG-së, Paredes, ëndërron të transferohet në Real Madrid

Mesfushori argjentinas, Leandro Paredes, këmbëngul se është i lumtur në kryeqytetin francez, por një ditë do të donte të luante për gjigantët spanjollë.

Mesfushori i Paris Saint-Germain thotë se “ëndërron” të luajë për Real Madridin.

“Çdo lojtar ëndërron të veshë atë fanellë, është një klub shumë i rëndësishëm. Por unë kam shumë respekt për klubin tim, Paris Saint Germain, dhe jam shumë i lumtur këtu”, tha Paredes për TyC Sports .

Argjentinasi iu bashkua PSG-së nga Zenit në vitin 2019, por është kufizuar në vetëm 15 paraqitje në Ligue 1 për shkak të problemeve të lëndimeve.

Paredes po hyn në vitin e fundit të kontratës së tij me kampionët francezë dhe ai ka thënë se do të dëshironte të bashkohej me skuadrën e Santiago Bernabeu.

Pavarësisht se ka një kontratë që zgjat deri në vitin 2023, Paredes është lidhur me një largim nga PSG këtë verë.

27-vjeçari mund të ketë luajtur tashmë ndeshjen e tij të fundit për klubin kryeqytetas, pasi pësoi një dëmtim muajin e kaluar.

Paredes nuk pritet të jetë i aftë për t’u paraqitur për skuadrën e Mauricio Pochettino para fundit të sezonit./Shqip.com