Aksidenti në Grabanicë të Klinës: Tre të lënduar dërgohen në QKUK
Shqip
Tre persona janë dërguar për në Qendrën klinike Universitare të Kosovës pas aksidentit që ka ndodhur në fshatin Grabanicë të Klinës.
“Deri më tani 3 pacientë janë dërguar në QKUK, 5 pacientë janë shtrirë për trajtim të mëtutjeshëm ndërsa pacientët e tjerë pas trajtimit janë liruar për shërim në shtëpi”, thuhet në njoftimin e Spitalit të Përgjithshëm të Pejës.
Sipas njoftimit, janë pranuar 18 të lënduar “në mesin e tyre edhe gra shtatzëna dhe fëmijë”.
“Ndonëse është herët për konstatime gjendja e të lënduarëve aktualisht është stabile dhe besojmë jashtë rrezikut për jetë”, thuhet më tej në komunikatë.
Një aksident trafiku mes katër veturave ka ndodhur në orët e mbrëmjes të 20 marsit.
Rastin për Shqip.com e ka konfirmuar zëdhënësi i Policisë për rajonin e Pejës, Driton Rugova./Shqip.com
