Julian Negelsmann kërkon transferimin e ish-lojtarit të tij te Bayern Munchen
Shqip
Bayern Munchen janë të interesuar të forcojnë repartin e mesfushës gjatë këtij afati kalimtar, transmeton Shqip.com.
Në listën e tyre të transferimeve është mesfushori austriak, Marcel Sabitzer nga RB Leipzig, i cili ka hyrë në vitin e fundit të kontratës së tij me skuadrën gjermane.
Marrëveshja e mesfushorit me gjigandët gjerman përfundon në verën e vitit 2022, dhe sipas raportimeve, ai nuk dëshiron të zgjasë kontratën e tij me ta, pikërisht për shkak të interesimit të Bayernit, raporton “Goal”.
Sipas “Bild”, bavarezët mund të shesin Corentin Tolisson dhe Michael Cuisance për të shpejtuar marrëveshjen me austriakun.
Kampionët e Gjermanisë kanë qenë vazhdimisht të lidhur me transferimin e Sabitzer, edhe pse raportohet se asnjëherë nuk ka pasur ofertë zyrtare.
Bavarezët janë duke përgatitur një ofertë prej 20 milionë eurosh drejt Leipzig, derisa largimi i austriakut nga klubi gjerman është tashmë i pashmangshëm./Shqip.com
