24 raste aktive me COVID-19 në Kosovë
Publikuar:
(16.10.2022 08:23:28)
Ministria e Shëndetësisë ka njoftuar se në Kosovë janë edhe 24 raste aktive me COVID-19.
Sipas të dhënave nga Instituti Kombëtar i Shëndetit Publik të Kosovës, vetëm në 24 orët e fundit janë konfirmuar dy raste të reja me virus.
Vlen të theksohet se në po të njëjtën ditë nuk është shënuar asnjë rast i vdekjes si dhe është shëruar një person.
Vaksinimi i qytetarëve është duke vazhduar. Në 24 orët e fundit janë dhënë 15 doza të vaksinës kundër COVID-19.
MSH-ja së bashku me IKSHPK-në kanë rekomanduar që të vazhdojë vaksinimi i qytetarëve si dhe të ju përmbahemi masave preventive kundër COVID-19.
/Shqip.com
