196 pacientë me COVID-19 të shtrirë në spitale
196 pacientë pozitiv me COVID-19 janë të shtrirë në Qendrën Klinike Universitare të Kosovës dhe në spitalet e përgjithshme, përcjell Shqip.com.
Shërbimi Spitalor Klinik Universitar i Kosovës ka njoftuar se aktualisht me oksigjeno-terapi janë 132 pacientë.
Ndërkaq, në Mjekimin Intensiv të Klinikës Infektive janë të shtrirë katër pacientë me COVID-19.
“Raporti sipas klinikave dhe spitaleve të përgjithshme: Klinika Infektive, 78 pacientë, Mjekim Intensiv në Klinikë Infektive, 4 pacientë, Klinika e Pediatrisë, 11 pacientë, Klinika Obstetrike Gjinekologjike, 13 pacientë.
Spitali i Gjakovës, 20 pacientë, Spitali i Pejës, 11 pacientë, Spitali i Prizrenit, 13 pacientë, Spitali i Mitrovicës, 20 pacientë, Spitali i Ferizajt, 9 pacientë, Spitali i Gjilanit, 17 pacientë”, thuhet ndër tjerash në njoftim.
Ndryshe, të shtunën janë regjistruar tre mijë e 628 raste pozitive me COVID-19, teksa janë shëruar 697 qytetarë./SHQIP.com