11 vjeçarja tregon momentin e masakrës në Teksas, u lye me gjak dhe u shtir si e vdekur

Një 11-vjeçare e mbijetuar e masakrës së shkollës fillore Robb në Uvalde, në Teksas ka rrëfyer momentin kur i riu 18 vjeçar filloj të gjuante me armë.

Ajo tha se u lye me gjakun e shokut të klasës dhe u soll si e vdekur.

Miah Cerrillo për CNN tregoj për përvojën e saj atë ditë brenda klasës ku ndodhën të shtënat masive që vranë 19 nga shokët e saj të klasës dhe dy nga mësuesit e saj.

Miah tha se ajo dhe shokët e saj të klasës po shikonin filmin “Lilo and Stitch” në një klasë të përbashkët nga dy mësuese, Eva Mireles dhe Irma Garcia. Nxënësit mbaruan me mësimet e tyre kur mësuesit morën lajmin se kishte një të shtënë në ndërtesë, tha ajo

Një mësues shkoi të mbyllte derën, por Miah thotë se sulmuesi ishte tashmë aty – dhe qëlloi nga dritarja në derë.

Ajo përshkroi se gjithçka po ndodhte kaq shpejt, mësuesi i saj u kthye në klasë dhe personi i armatosur e ndoqi.

Ajo tha për CNN se ai bëri kontakt me sy me një nga mësuesit, i tha “Natën e mirë” dhe më pas e qëlloi atë.

Ai hapi zjarr, duke qëlluar mësuesin tjetër dhe shumë nga miqtë e Miahut. Ajo tha se plumbat kaluan pranë saj dhe copat i goditën shpatullat dhe kokën. Vajza më vonë u trajtua në spital.

Miah tha se pasi qëlloi studentët në klasën e saj, personi i armatosur hyri përmes një dere në një klasë ngjitur. Ajo dëgjoi britmat dhe zhurmën e të shtënave në atë klasë. Megjithatë, pasi të shtënat u ndalën, ajo thotë se sulmuesi filloi të luante muzikë me zë të lartë, muzikë të trishtuar, tha ajo.

Vajza dhe një shoqe e saj arritën të merrnin telefonin e mësuesit të saj të vdekur dhe të thërrisnin policinë për ndihmë.

Miah tha se kishte frikë se personi i armatosur do të kthehej në klasën e saj për ta vrarë atë dhe disa miq të tjerë të mbijetuar. Kështu, ajo i zhyti duart në gjakun e një shoku të klasës, i cili ishte shtrirë pranë saj, tashmë i vdekur dhe më pas e lyu trupin e saj për të luajtur si e vdekur.

Miah tha se ndjehej si tre orë që ishte shtrirë aty, e mbuluar me gjakun e shokut të klasës, me miqtë e saj.

Ajo i tha CNN se supozoi se në atë moment policia nuk kishte mbërritur ende në vendngjarje.

Nëna e Miah tha se vajza e saj është e traumatizuar dhe nuk mund të flejë. Prindërit e fëmijës kanë nisur një GoFundMe posaçërisht për të paguar terapinë e saj.

Një alarm celulari ra aksidentalisht gjatë intervistës dhe Miah ishte dukshëm e shqetësuar nga zhurma. Nëna e saj tha se kjo po ndodhte shumë, dhe përshkroi një incident të mëparshëm ku ata ishin në një lavazh dhe zhurma e fshesës me korrent “e largoi plotësisht”.

Miah ishte shumë e frikësuar për të folur në kamerë, ose me një burrë, për shkak të asaj që përjetoi, por ajo i tha CNN se donte të ndante historinë e saj në mënyrë që njerëzit të dinin se si është të jetosh përmes një të shtënash në shkollë. Ajo thotë se shpreson se mund të ndihmojë në parandalimin e një tragjedie si kjo që t’u ndodhë fëmijëve të tjerë.