Zyrtare: Portugalia mbetet pa trajner, largohet Fernando Santos
Publikuar:
(15.12.2022 18:04:38)
Kombëtarja e Portugalisë dhe përzgjedhësi Fernando Santos janë ndarë edhe zyrtarisht.
Lajmi konfirmohet nga mediat portugeze dhe me gjerë, shkruan Shqip.com.
Portugezët u eliminuan nga Kupa e Botës në çerekfinale, duke u mposhtur nga Maroku me rezultat 1:0.
Santos ishte një ndër figurat më të përfolura në Botëror pasi në dy ndeshje radhazi e la në bankën e rezervistëve yllin Cristiano Ronaldo.
Santos ishte pjesë e Portugalisë prej vitit 2014.
Suksesi më i madh i tij me Portugalinë ishte triumfi në Kampionatin Evropian të vitit 2016.
Ai fitoi edhe edicionin e parë të Ligës së Kombeve.
/Shqip.com