Zyrtare: Mungesë e madhe për “Los Blancos” në ndeshjen ndaj Cityt
Të mërkuren e kësaj jave zhvillohet ndeshja e kthimit mes Real Madridit dhe Manchester Cityt.
Këta të fundit kanë epërsinë prej një goli, në dramën shtatë golëshe që u mbyll 4:3.
Ndeshja që luhet në kuadër të gjysmëfinales së Ligës së Kampionëve do të jetë diç më e vështirë për vendasit, kjo pasi që David Alaba nuk do të jetë në fushën e blertë, raporton “Marca”.
Në stërvitjet e rregullta të mbajtura të hënën, qendërmbrojtësi nuk ishte në gjendje t’i zhvillonte ato.
Austriaku u detyrua të largohej në ndeshjen e parë të martën e kaluar dhe ai humbi ndeshjen e fundit ndaj Espanyolit shkaku i lëndimit.
Carlo Ancelotti duket se do të startojë tandemin defanziv të përbërë nga dyshja Eder Militao dhe Nacho Fernandez.
Alaba është lojtari i dytë me minutazhën më të madh të luajtur në sezonin e Real Madridit deri më tani, vetëm pas Militaos, duke e vështirësuar punën e një rikthimi si ndaj PSG-së dhe Chelseat.
Përndryshe, edhe ekipi i Pep Guardiolas nuk është se do të jetë i tëri, si shkak i lëndimeve të Kyle Walker që mungoi ndeshjen e parë dhe John Stones që luajti thuajse të gjithë pjesën e parë me një lëndim.
Cityzens vijnë në “Santiago Bernabeu” me synim të fitores, por edhe një barazim do t’u mundësonte atyre të kapnin finalen e dytë në histori të klubit, me të parën që e patën vitin e kaluar por që u mposhtën minimalisht nga Chelsea 1:0. /Shqip.com