Zyrtare: Cekohet gjyqtari i finales së Ligës së Kampionëve

Gjyqtari Szymon Marciniak i Polonisë do ta gjykojë finalen e Ligës së Kampionëve midis Manchester Cityt dhe Inter, që do të luhet në stadiumin Olimpik “Ataturk” në Stamboll të Turqisë, më 10 qershor.

Ndeshja do të zhvillohet duke filluar nga ora 21:00.

Marciniak ka marrë drejtimin e tetë ndeshjeve të UEFA Champions League këtë sezon, duke përfshirë ndeshjen e dytë gjysmëfinale midis Cityt dhe Real Madridit. Kjo do të jetë finalja e tij e parë në UEFA Champions League si arbitër, pasi shërbeu si gjyqtari i katërt në 2018.

42-vjeçari gjithashtu drejtoi finalen e Kupës së Botës mes Argjentinës dhe Francës në Katar dhjetorin e kaluar.

Marciniak do të ndihmohet nga bashkatdhetarët Paëeł Sokolnicki dhe Tomasz Listkiewicz.

Zyrtari i katërt, Istvan Kovacs, është nga Rumania. Në VAR është caktuar Tomasz Kwiatkowski, po ashtu nga Polonia dhe ai do të ndihmohet nga bashkatdhetari Bartosz Frankowski dhe Marco Fritz nga Gjermania.