ZPS: Viktimat që u ndaluan u maltretuan fizikisht

Po vazhdon procesi gjyqësor në Hagë, ndaj ish-krerëve të UÇK-së, Hashim Thaçit, Kadri Veselit, Rexhep Selimit dhe Jakup Krasniqit.

Zyra e Prokurorisë Speciale ka prezantuar një sërë provash që i përshin ish-krerët e UÇK-së, në krime lufte.

Sipas ZPS, viktimat u rrahën dhe u maltretuan fizikisht.

“Të paktën 102 viktima nuk mbijetuan, por vdiqën mizorisht. Këto veprime përbënin veprën penale të përndjekjes për arsye politike ose etnike…Provat tregojnë se krimet u kryen në praktika të ngjashme kohore dhe hapësinore”, tha ZSP-ja.

Tutje, ZSP-ja, përmendi edhe një rast në Jabllanicë ku tha se “u mbajtën 13 persona në përiudha të ndryshme kohore, në një vend ku shfrytëzohej si kazermë”, aty sipas tyre ishin 3 të vrarë dhe 1 i zhdukur më forcë.

Gjithashtu, sipas Prokurorisë, edhe në fshatin Llapushnik të Skenderajt “dy viktimat që arritën të arratiseshin u kapën dhe u pushkatuan me pushkë”.