Zogaj: Kemi problem të madh me qentë endacakë

Alban Zogaj, nënkryetar i Komunës së Prishtinë, ka thënë se “kanë problem të madh me qentë endacakë”.

Ai, në T7, ka thënë se ekziston ligji për mbrojtjen e kafshëve ku i detyron që qentë të kthehen në territorin ku janë marrë pasi të kryhet procesi KKSVL që është “kape, katroje, sterilizoje, lëshoje”.

“Te qentë endacak është një ligj për mbrojtjen e kafshëve që na cenon kogja shumë në çdo veprim. Ligji thotë e merr qenin nga rruga, e trajton, e vaksinon, e kastroje dhe e kthen prapë në atë territor ku e ke marrë qenin. Dhe ne këtë proces e kemi bërë që është KKSVL, pape, kastroje, sterilizoje, lëshoje në atë territorin ku e ke marrë”, ka thënë Zogaj.

Tutje, Zogaj ka deklaruar se kanë shpenzuar miliona për këtë problem.

“Kemi shpenzu më së shumti, miliona euro në kastrim dhe sterilizim. Mbi 4 mijë qenë janë të kastruar dhe sterilizuar”, ka thënë ai.