Zidane pritet ta zë vendin e Poch-it në Parkun e Princave
![](https://shqip.com/app/uploads/2022/06/PSG-Zidane.png)
Nevoja për lavdi në arenën europiane ka bërë që drejuesit e PSG-së të ndërrojnë të parin e stolit.
Mauricio Pochettino nuk e ka përmbushur këtë mision të parisienëve dhe është drejt largimit.
Në krye të stafit menaxherial do të vihet Zinedine Zidane, raporton Goal.com.
![](https://shqip.com/app/uploads/2022/06/pochettino-1024x576.png)
Francezi është në fazën negociuese me klubin dhe është më shumë se favorit për të vënë firmën mbi letër.
Pavarësisht se arriti ta kthejë titullin kampion të Francës në “Parkun e Princave”, Poch-it i është diktuar qysh në start të edicionit se Liga e Kampionëve është objektivi.
Prandaj, sigurimi i një trajneri si Zizou – që ka tre tituj të tillë me Real Madridin – është mundësia e tyre më e mirë, marrë parasysh opsionet në treg.
![](https://shqip.com/app/uploads/2022/06/ZInedine-Zidane-ucl.png)
Profesionistë të tjerë si Jose Mourinho apo edhe Antonio Conte ishin në listë, mirëpo asnjëri nuk duket më i përshtatshëm se vetë ish-ylli i “Gjelave”.
Përndryshe, PSG arriti ta mbajë Kylian Mbappe-n në kampin e vet dhe me lojtarë të tjerë si Messi, Verratti, Neymar, Marquinhos e Donnarumma, 49 vjeçari me gjasë do të jetë i bindur për të marrë detyrën. /Shqip.com