Zgjedhet presidentja e parë grua në Slloveni

Natasha Pirc Musar është zgjedhur presidentja e parë grua e Sllovenise pas raundit të dytë të zgjedhjeve presidenciale atje.

54-vjeçarja Pirc Musar fitoi 53.83 përqind të votave në balotazh, ndërsa rivali i saj, politikani i krahut të djathtë dhe ish ministri i jashtëm Andze Logar, fitoi 46.17 përqind.

Ndonse roli është më së shumti ceremonial, presidenti është komandant në krye të forcave të armatosura dhe propozon gjithashtu disa zyrtarë të lartë, duke përfshirë guvernatorin e bankës qendrore. Shumica e propozimeve duhet të konfirmohen nga parlamenti, raporton Reuters.

Presidentja e re e Sllovenisë, do të zëvendësojë Borut Pahor i cili ka qenë aktiv në politikë për 30 vjet.