“Zëvendësimi magjik” – nuk funksionoi sonte
Shqip
Edouard Mendy u largua nga fusha e gjelbër, në vend të tij – u inkuadrua Kepa Arizabalaga.
Ky ishte një sinjal i qartë – se loja po shkonte në penalti. Ky skenar – ka funksionuar disa herë dhe Kepa doli hero.
Por, jo edhe sonte.
Chelsea ka pësuar humbje në finalen e “Carabao Cup” – pas ekzekutimit të penaltive, teksa i vetmi që gaboi nga pika e bardhë ishte Arizabalaga.
Sonte ai doli të jetë “fytyra tragjike”.
Pasi ndeshja përfundoi – pa gola edhe pas vazhdimeve, trofeu u vendos pas ekzektuimit të penaltive.
Nga 22 sa u goditën gjithsej – nga të dyja skuadrat vetëm Kepa nuk e tundi rrjetën.
Teksa, në taborin tjetër festa shpërtheu.
Për Liverpoolin – ky është edhe një tregues i formës së lartë nëpër të cilën po kalon në këtë sezon dhe ende janë në garë për të gjithë trofetë.
“The Reds” thyen edhe një rekord me këtë fitore, pasi u bënë skuadra e parë që e ka fituar nëntë herë “League Cup”./Shqip.com
