Zelensky: Ne e prishëm planin e pushtuesve për ta bllokuar qendrën e shtetit
Shqip
Presidenti i Ukrainës, Volodymyr Zelensky, ka publikuar një video në Facebook ku ka thënë se plani i Rusisë është thyer.
Kjo pasi këta të fundit dëshironin të bllokonin qendrën e Ukrainës.
Ai ka thënë së ky vend i ka rezistuar me sukses sulmet e armikut dhe luftimet janë duke vazhduar.
Zelensky ka theksuar se Kievi dhe qytetet kryesore përreth kryeqytetit kontrollohen nga ushtria ukrainase.
“Ne i rezistuam dhe zmbrapsëm me sukses sulmet e armikut. Luftimet vazhdojnë. Në shumë qytete dhe rrethe të shtetit tonë. Por ne e dimë se çfarë po mbrojmë. Vendi, toka, e ardhmja e fëmijëve. Kievi dhe qytetet kryesore përreth kryeqytetit kontrollohen nga ushtria jonë. Pushtuesit donin të bllokonin qendrën e shtetit tonë dhe të vendosnin kukullat e tyre këtu, si në Donetsk. Ne e thyem planin e tyre.”
Ai ka thënë se populli i Ukrainës e meriton të bëhet pjesë e Bashkimit Evropian.
“Armiku përdori gjithçka kundër neve: raketat, avion luftues, drona dhe artileri. Pushtuesit po sulmojnë edhe vendet e banuar, madje ata po përdorin edhe raketa në këto pjesë, duke u munduar të shkatërrojnë burimet e energjisë. Populli i Ukrainës e meriton të bëhet pjesë e Bashkimit Evropian, kjo do të jetë mbështetja kryesore për popullin tonë. Është një kohë kritike për ta përmbyllur këtë diskutim dhe një herë e përgjithmonë të vendoset statusi i Ukrainës në Bashkimin Evropian”, ka shkruar ai.
