Zelensky mirëpret dërgesën e parë të grurit, por thotë se Rusisë nuk mund t’i besohet

Presidenti i Ukrainës Volodymyr Zelensky ka mirëpritur dërgesën e parë të drithit nga porti i Odesa që nga fillimi i pushtimit rus në shkurt.

“Porti filloi të punojë, filloi trafiku i eksportit dhe ky mund të quhet sinjali i parë pozitiv se ka një shans për të ndaluar zhvillimin e krizës ushqimore në botë”, tha Zelensky në fjalimin e tij të përditshëm me video.

Në të njëjtën kohë, ai paralajmëroi se Rusia mund të kërcënoj prap me krizën ushqimore.

“Ne nuk mund të kemi asnjë iluzion se Rusia thjesht do të përmbahet nga përpjekjet për të penguar eksportet ukrainase. Rusia vazhdimisht provokoi zi buke në vendet e Afrikës dhe Azisë, të cilat tradicionalisht importonin sasi të konsiderueshme të ushqimit ukrainas. Dhe tani — Në kushtet e vapës ekstreme, si këtë vit në Evropë, kërcënimi i krizës së çmimeve dhe një mungesë të caktuar ushqimore është i pranishëm edhe për disa vende evropiane.

Zelensky tha se 16 anije presin radhën e tyre për dërgesë dhe “ne jemi gati të japim një kontribut të duhur në stabilizimin e tregut botëror të ushqimit”.

Ai tha gjithashtu se më shumë se një milion vende pune në Ukrainë mbështeten në rifillimin e trafikut.

Zelensky tha se kishte folur me presidentin francez Emmanuel Macron për eksportet bujqësore dhe çështjet e mbrojtjes dhe gjithashtu për mbështetjen financiare për Ukrainën.

Ai tha se i kishte kërkuar Macronit t’i zhbllokuar makrofinancat të cilat kanë ngecur në Evropë.

 “të na ndihmojë për të zhbllokuar makrofinancat, të cilat kanë ngecur në Evropë. Dua t’u kujtoj të gjithë liderëve se janë 9 miliardë euro. Këto nuk janë gjëra të vogla për ne, por gjëra të rëndësishme sociale – këto janë pensionet tona, këto janë rrogat tona, mbështetje për emigrantët”.

Anija e parë që transportonte grurë është larguar nga një port ukrainas sipas një marrëveshje historike me Rusinë.

Zyrtarët turq dhe ukrainas thonë se anija u largua nga porti jugor i Odesa-s herët në mëngjes të hënën me orën lokale.

Rusia ka bllokuar portet e Ukrainës që nga shkurti, por të dyja palët bënë një marrëveshje për të rifilluar dërgesat./Shqip.com