Ramadani bëhet baba, trajneri i Lecces: Çfarë lumturie, uroj t’i shënojë Juves nesër

Sot është një ditë e lumtur për Ylber Ramadanin dhe familjen e tij.

Mesfushori i kombëtares shqiptare është shtuar me djalë.

Lecce pret Juventusin në “Via del Mare” të dielën në mbrëmje (20:45).

Ramadani pritet të luajë titullar si gjithmonë me Leccen, ndërkohë që trajneri Roberto D’Aversa u ndal edhe te “luftëtari” shqiptar në konferencën për shtypin.

“Shpresoj që Ylberi të përsëritë golin vendimtar që shënoi ndaj Frosinones. Ai është shumë i lumtur dhe i karikuar, shpresojmë që karikimi dhe energjia e tij t’i transmetohet skuadrës”, theksoi trajneri i Lecces.